ಸತಿ ಸುಪ್ರಭಾತ

ಅಡುಗೆ ಮನೆಯ ಅಂಗಳದಾಕೆ
ಬಂದಳು ಸರಸರ ಎಬ್ಬಿಸಲೆಂದೇ
ತಾಳಲು ಆಗದೆ ಗೊರಕೆ ನಿದ್ದೆ
ತಿವಿಯಲು ಕುಂಭ ಕರ್ಣನ ಮಂಡೆ

ಮುದುರಿದ ಮೈಯ್ಯ ಮಂಚದ ಮೇಲೆ
ಸರಿಸುತ ಹೊದಿಕೆಯ ನಿಂತಳು ಅಲ್ಲೇ
ಸುಪ್ರಭಾತವ ಹಾಡುತ ನಲ್ಲೆ
ಹುಡುಕುತ ಹೊರಟಳು ಬಾಣಲೆ ಬಿಲ್ಲೆ

ಬೇಸರದಿಂದ ಏಳುತ ಬಂಡ
ಬಚ್ಚಲ ಕಡೆಗೆ ನಡೆಯುತ ಕಂಡ
ಮಡದಿ ಮೊಗವ ತುಂಬಾ ಕೆಂಡ
ಮಾಡಿದ ಅಡುಗೆ ಎಲ್ಲಾ ದಂಡ

ನೆಟ್ಟಗೆ ಮೊರೆಯ ಸೊಟ್ಟಗೆ ಮಾಡಿ
ಪಾತರೆ ಪಡುಗವ ನೆಗ್ಗಿಸಿ ನೋಡಿ
ಮಾತಿನ ಸರಪಳಿ ನೇಯುತ ಹಾಡಿ
ಹೋದರು ಕೊನೆಗೆ ಹೋಟಲಿಗ್ ಓಡಿ