ಪ್ರಕೃತಿ ಪ್ರಣಯ

ಮಲ್ಲಿಗೆಯ ಮೋಡದಲ್ಲಿ ಮೊಗ್ಗಾದ ಮಳೆಹನಿಯೇ 
ಮುದುಡಿದ ಮನಸ್ಸಿಗೆ ತಂಪೆರೆದ ತಾವರೆ 
ಕಾರ್ಮುಗಿಲ ಕನ್ನಡಿಗೆ ಬೆಳಕಿನ ಬೆಳದಿಂಗಳು 
ಹೆಮ್ಮರದ ಹಾವಿಗೆ ಹೂವಾದ ಹೊಂಬಿಸಿಲು

ಕಾಡ್ಗಿಚ್ಚ ಕೆಂಡಕ್ಕೆ ಕರಗಿದ ಕಣ್ಣಿರು
ಚೈತ್ರದ ಚಿಲುಮೆಗೆ ಬಣ್ಣದ ಓಕುಳಿ 
ಜೇನಿನ ಹೊಳೆಗೆ ಮಧುವಿನ ಮಕರಂದ
ತೆಂಗಿನ ನೀರಿಗೆ ತವರಾದ ತಂಗಾಳಿ

ಬಿದುರಿನ ಬಾಗಿನಕ್ಕೆ ಬೆಂಡಾದ ಬಾಂಧವ್ಯ
ಕುಂಕುಮದ ಕಾಂತಿಗೆ ಮಮತೆಯ ಮಾಧುರ್ಯ  
ಹಬ್ಬದ ಹುಮ್ಮಸ್ಸಿಗೆ ಹೂವಿನ ತೋರಣ
ಸೊಗಸಾದ ಸಂಜೆಗೆ ಸ್ನೇಹದ ಸಂಕೋಲೆ 

ಹವಳದ ಹೊಳಪಿಗೆ ಹೊನ್ನಿನ ಹರುಷ
ಗಂಧದ ಗರಡಿಗೆ ಗಾಜಿನ ಗೋಪುರ
ಹುಲ್ಲಿನ ಹಸಿರಿಗೆ ಹಾಲಿನ ಲೇಪನ
ಬದುಕಿನ ಬಂಡಿಗೆ ಸ್ಪೂರ್ತಿಯ ಸೊಭಗು