ಹೊಸ ವರುಷ

ಹೊಸದು ವರುಷವು ನಮ್ಮೆದುರಿರಲು

ಸ್ವೀಕರಿಸಲು ಹೊಸಿಲಲಿ ಕಾಯುತಲಿರಲು
ಉತ್ಸಾಹವು ಮನವೆಲ್ಲ ತುಂಬಲು
ಚೈತನ್ಯ ನಮ್ಮಲಿ ಉಕ್ಕುತಲಿರಲು

ರೋಷ ದ್ವೇಶವ ಕಿತ್ತು ಒಗೆಯಲು
ಶಾಂತಿ ಸಹನೆಯು ಮೂಡುತಲಿರಲು
ಸ್ನೇಹ ಸೌಧವ ಕಟ್ಟುತಲಿರಲು
ಪ್ರೀತಿ ಮಮತೆಯು ಹರಿದುಬರಲು

ಬಂಧು ಬಾಂಧವರೆಲ್ಲ ಸೇರಲು
ತಿಂಡಿ ತಿನಿಸುಗಳ ಹಂಚಿಕೊಳ್ಳಲು
ಮನೆಯಲೆಲ್ಲ ಬೆಳಕು ಮೂಡಲು
ಕ್ಷಣ ಗಣನೆಯು ಆರಂಭವಾಗಲು

ಮೊಳಗಿತು ಕಹಳೆ ಹೊಸಹೆಜ್ಜೆಯನಿಡಲು
ಸಂಭ್ರಮದಿಂದ ಸಾರಿ ಹೇಳಲು
ಶುಭವನೆಲ್ಲಾ ಸೇರಿ ಕೋರಲು
ಹರುಷದಿ ವರುಷವ ಮುನ್ನಡೆಸಲು.