ಪ್ರೇಮಾನ್ವೇಷಣೆ

 

ಈ ಸಂಭಾಷಣೆ, ಮಿಂಚಂಚೆ ಅನ್ವೇಷಣೆ 

ತುಸು ಮೌನ, ಕ್ಷಣ ಗಾನ, 

ತೆರೆದಿಟ್ಟ ಮನದ ತಾಳೆಗರಿ 

ತೇಲಿ ಬಂದ ತೆಪ್ಪದಂತೆ 

ಸೇರಿತಲ್ಲ ಭಾವ ತೀರ 

ಹಾಡಿತೆಲ್ಲ ಹಂಸ ರಾಗ 

ಕುಹೂ ಕುಹೂ ಕೋಗಿಲೆ ||

ಮೊದಮೊದಲು ಮೌನ ಮಿಲನ 

ನಡುನಡುವೆ ಕಾಲ ಹರಣ

ಮುಸ್ಸಂಜೆ, ಮಳೆಬಿಲ್ಲೆ

ಕವಲೊಡೆದ ಪ್ರೇಮ ಕವನ 

ಬಿಗಿ ಹಿಡಿತ, ಎಡೆ ಬಡಿತ 

ತೆರೆದೊಡನೆ ಧುಮುಕೋ ತುಡಿತ||

ಮೊಳಗಿತು ಮೊದಲ ವದನ  

ಬೆರೆತಿತು ಭಾವ ತರಣ 

ಸಿಂಧೂರ ಸುಧೆಯ ಸಮ್ಮಿಲನ 

ಶುರುವಾಯಿತು ಪ್ರೇಮ ಪಯಣ 

ನುಡಿತಿತ್ತು ಮನದ ಕರಣ 

ಬೆಸೆಯಿತು ಬಾಳ ಆವರಣ||